Ինքնաներշնչումը վնասում է հիշողությանը

Չե՞ք ցանկանում կորցնել հիշողությունը, ավելի քիչ մտածեք այդ մասին: Հյուսիսային Կարոլինայի համալսարանի մասնագետները կարծում են, որ տարեց հասակում հիշողության կորստի հիմնական պատճառներից մեկը և աշխատունակության նվազումը համարվում է ինքնաներշնչումը:

Նրանց անցկացրած հետազոտությունների արդյունքները վկայում են, որ այն մարդիկ, ովքեր սրբորեն հավատում են, որ տարիքի հետ հիշողությունը վատանում է,  ՙձախողել՚ են թեստերը, իսկ լավագույն արդյունք ցույց են տվել այն անձինք, ովքեր գերադասում են այդ մասին չմտածել:

-Տարեց անձինք հակված են կասկածելու սեփական հիշողության վիճակին,- նշում է հետազոտողներից մեկը,- այսինքն, տարեց մարդուն բավական է ասել, որ նրա հասակակիցները  չեն կարողանում  լրացնել այս կամ այն թեստը, և նա դժվարությամբ է որևէ առաջադրանք կատարում: Ավելին, հիշողության խնդիրները գալիս են վաղ  տարիքից, երբ երիտասարդ մարդը ինքն իրեն համոզում է, որ ծերության հետ կգա  նաև  հիշողության անփուսափելի կորուստը:

Հետազոտողների կարծիքով, հատկապես ինքնաներշնչանքն է պրոֆեսիոնալ խնդիրների պատճառ հանդիսանում. մարդիկ համոզված են, որ վատ են կատարում  իրենց աշխատանքը և արժանանում  գործընկերների բացասական վերաբերմունքին: Գիտնականները պարզել են, որ նմանատիպ   խնդիրներին առնչվում են հիմնականում կրթված անձինք:

Հարցեր, պատասխաններ, մեկնաբանություններ